A PHP Error was encountered

Severity: Warning

Message: fopen(/opt/alt/php74/var/lib/php/session/ci_session47d580bf1aa88fde6ec2e8a599ce3d87efdb4394): failed to open stream: Disk quota exceeded

Filename: drivers/Session_files_driver.php

Line Number: 176

Backtrace:

File: /var/www/user68923/data/www/chui.media/application/controllers/kg/Main.php
Line: 9
Function: __construct

File: /var/www/user68923/data/www/chui.media/index.php
Line: 308
Function: require_once

A PHP Error was encountered

Severity: Warning

Message: session_start(): Failed to read session data: user (path: /opt/alt/php74/var/lib/php/session)

Filename: Session/Session.php

Line Number: 127

Backtrace:

File: /var/www/user68923/data/www/chui.media/application/controllers/kg/Main.php
Line: 9
Function: __construct

File: /var/www/user68923/data/www/chui.media/index.php
Line: 308
Function: require_once

Садыр Жапаров: "Комуз - адамдын ички дүйнөсүн, ой-толгоосун түшүндүрө алган жандуу аспап." | Чүй медиа борбору
Садыр Жапаров: "Комуз - адамдын ички дүйнөсүн, ой-толгоосун түшүндүрө алган жандуу аспап."
09-Сен-2022
Садыр Жапаров:

Президент Садыр Жапаров бүгүн, 9-сентябрда, кыргызстандыктарды Комуз күнү менен куттуктады.
Президенттин басма сөз кызматы билдиргендей, мамлекет башчысынын куттуктоосунда мындай деп айтылат:

"Урматтуу мекендештер!

Ардактуу кыргызстандыктар!

Улуттук маданиятыбыздын сыймыгы, элдик өнөрүбүздүн башаты болгон, кыргыздын өзгөчө символу – Комуз күнү менен чын дилимден куттуктайм!

Кыргыз, кыргыз атка конгону жанында комузу кошо жаралгандай. Ошондон бери кыргыздын эрмеги – комуз, арманы – күү. Кыргыздын каны-жаны менен бир болуп, демине дем, күчүнө күч берип келет!

Комуз - адамдын ички дүйнөсүн, ой-толгоосун түшүндүрө алган жандуу аспап. Сыздаган добушунда элибиздин кубанычы менен кайгысы, ар – намысы менен абийири, тарыхы менен таржымалы баяндалат. Сыдырым тоонун желиндей бирде шар, бирде мукам кайрыктарды камтыган “Камбаркан”, “Сынган бугу”, “Маш ботой”, “Эргиме”, “Саадак какты”, “Ак бугу” жана башка керемет күүлөр азыр да кыргыздын канын толкутуп, сезимин козгоп турат.

Залкар комузчулар Ниязалы, Айдараалы, Карамолдо, Токтогул, Мураталы, Ыбырай, Атай, Шекербек жана башкалар не бир түркүн ойлорду, сезимдерди камтыган, татаал кайрыктуу, мукам абаздуу күүлөрдү жан дүйнөнү байыткан руханий азык кылып калтырышты.

Заманыбызга жараша комуз күүлөрү жаӊыча жаӊырып, жаңыча ойноо ыкмалары, ыргактары менен толукталып барат. Кийинки эле Асанбек Кыдырназаровдун “Кыргыз көчү”, Нурак Абдрахмановдун “Соӊ-Көл баяны”, “Сары-Өзөн баяны”, Руслан Жумабаевдин “Эрке Сары” күүлөрү уккан элдин кумарын кандырып, черин жазып, жамы кыргыз журтчулугуна тереӊ сиӊип кетти.

Кыргыздын улуу мурасы болгон комуз дүйнөсүн урматтап, аздектеп, урпактарга өткөрүп берүү ар бир кыргыз жаранынын милдети экенин унутпашыбыз керек.

Комуз күнү жакшы жөрөлгөгө айланып, мындан ары республикабыздын маданий турмушунда өзүнүн татыктуу ордун табат деген чоӊ ишеничтемин!

Таӊшый бер кыргыз комузу!

Комуз күнүӊүздөр менен!".