Улукбек Марипов маалыматтык технологиялар (KIT) форумуна катышты
Т.К.29-Сен-2021
Улукбек Марипов маалыматтык технологиялар (KIT) форумуна катышты

Кыргыз Республикасынын Министрлер Кабинетинин Төрагасы Улукбек Марипов Бишкек шаарында Digital week Санариптик өнүктүрүү жумалыгынын алкагында өтүп жаткан маалыматтык технологиялар (KIT) форумуна катышты.Министрлер Кабинетинин башчысы белгилегендей, XXI кылым адамзат үчүн илимий-техникалык прогресс планетанын экотутумунун бузулушу, адамдын космостогу жетишкендиктери локалдык аскердик кагылышуулар, дүйнөлүк экономикпнын өнүгүүсү жакырчылык жана жумушсуздук, калктын демлогарфиялык өсүүсү ичүүчү суунун жана азык-түлүктүн жетишсиздиги  маселеси менен коштолуп, масштабдуу сынактардын мезгили болууда.«Бул көйгөйлөр бир нерсени далилдейт – бүгүнкү реалдуулукка өз мамилебизди жана көз-карашыбызды кайрадан карап чыгуу, кызматташуу жана өнүгүүнүн цивилизациялуу стандарттарын иштеп чыгу үчүн күч-аракеттерди бириктирүү, жаратылышка жана анын ресурстарына керектөөчүлүк мамилени кайрадан карап чыгуубуз зарыл. Ошондуктан өнүгүүнүн актуалдуу маселелери боюнча мындай жолугушуулар биргелешкен чечимдерди иштеп чыгуу үчүн абдан маанилүү саналат. Чындыгында, жаңы санарип реалдуулугу дүйнөнү ыкчам өзгөртүүдө», - деди ал.